रौतहटको राजदेवी नगरपालिका वडा नं ९ ब्रहमपुरी टोलका भावी वडाअध्यक्ष पदका प्रत्यासी भाइ नवीन कुमार सिंहको निरन्तर प्रयासबाट पछिल्ला ६ महिनादेखि गाउँका करिब ६० देखि ७० घरपरिवारले अब शुद्ध र सुरक्षित खानेपानी पिउने सुविधा पाएका छन्।
रौतहटको अन्य बाढी-पीडित बस्तीसँगै ब्रहमपुरी पनि हरेक वर्ष बाढीको चपेटामा पर्ने गाउँ हो। यहाँ दलित, असहाय र आर्थिक रूपमा विपन्न समुदायको बाहुल्य रहेको छ। यस्ता वर्गका नागरिकलाई स्वच्छ पानीको पहुँच कठिन भएपछि सिंहले स्वयम पहल गरी गाउँमै खानेपानीको स्थायी व्यवस्था गराएका हुन्।
पानी घर-घर पुगोस् भनेर जडान गरिएको बिजुली मिटरको खर्च समेत आफ्नै लागतमा व्यहोरेका सिंहले यो कार्यलाई सेवा-भावका रूपमा लिएका छन्। स्थानीय बासिन्दाहरूले उहाँको यो योगदानलाई गाउँका लागि उदाहरणीय र जनमुखी कार्य” भन्दै प्रशंसा गरेका छन्।
सामाजिक उत्तरदायित्वका प्रति समर्पित सिंह विगत एक दशकदेखि निरन्तर रूपमा ब्रहमपुरी टोलमा विभिन्न सामाजिक, शैक्षिक र भौतिक पूर्वाधार विकासका कार्यमा सक्रिय रहँदै आएका छन्। उहाँको पहलमा गाउँमा मठ-मन्दिर, सडक मर्मत, सार्वजनिक बत्ती जडान, विद्यालयका भवन मर्मत तथा विपन्न परिवारका उपचारमा बेला बखत नि:शुल्क स्वास्थ्य शिविर सहयोग जस्ता कार्यहरू समेत निरन्तर भइरहेका छन्।
भाइ नवीन कुमार सिंहले भने, म जनताको सहयोग र आशीर्वादले यो गाउँलाई विकास र स्वच्छताको नमूना बस्ती बनाउन चाहन्छु। समाज सेवा मेरो दायित्व हो, राजनीति त्यसको माध्यम मात्र हो।
