देवेन्द्र प्रसाद यादव
रौतहट । रौतहटको मध्य भागमा रहेको गरुडा नगरपालिकाले संपन्न गरेको ९ औ नगर सभा एकात्मक तानाशाही शैलीको रहेको भन्दै नगरपालिकाका बहुमत सदस्यहरुले सोमवार देखि आन्दोलनमा उत्रेका छन । आर्थिक बर्ष २०७९/०८० को खर्चको विबरण सार्वजानिक नगर्दै नगर प्रमुख कन्थमणि जायसवालले तानाशाही प्रवृतिको प्रदर्शन गर्दै अल्पमतले गरेको नगर सभाको माईनट बुक सार्वजानिक गर भन्दै नगर उप्रमुख ,वड़ा अध्यक्ष ,कार्यपलिका सदस्य सहित ३५ जना नगरपालिकाको मुख्य गेटमा धरनामा बसेका हुन ।
गरुडा नगरपालिकाका नगर उप्रमुख पूनम कुमारी चौधरीले नगर प्रमुखलाई गत आर्थिक बर्षको खर्च सार्वजानिक गर्न पटक पटक दवाव दीदा पनि सार्वजानिक नगरी बलपूर्वक अल्पमत सदस्यको रोहवरमा गरेको नगर सभा अबैधानिक भएको बताएकी छीन । कार्यपालिकाको बोर्डको बैठक नै नगरी गर्न लागेको नगर सभाको बैठक स्थगित गर्न लिखित रुपमा नगर प्रमुख र प्रमुख प्रशासकीय अधिकृतलाइ जानकारी गराउदा पनि सोको वास्ता नगरी गरेको नगर सभाको अधिबेशन गणपूरक संख्या नरहेकोले बदर गर्नु पर्ने मांग वड़ा अध्यक्ष राम बाबू चौधरीको रहेको छ । नगर सभाको विरोधमा उपप्रमुख पूनम कुमारी चौधरी , वड़ा नम्बर २ का वड़ा अध्यक्ष कृष्णनदन सहनी , वड़ा नम्बर ३ का वड़ा अध्यक्ष अम्बिका सहनी,वड़ा नम्बर ६ का वड़ा अध्यक्ष राम बाबू चौधरी , वड़ा नम्बर ७ का वड़ा अध्यक्ष प्रवीण सिंह यादव , वड़ा नम्बर ८ का वड़ा अध्यक्ष बशिष्ट राय यादव , वड़ा नम्बर ९ का वड़ा अध्यक्ष राजेश सहनी , वड़ा नम्बर २ का वड़ा सदस्य पूनम देवी यादव , कामोधिया देवी राम ,मिश्रीलाल साह रहेका छन ।
नगर प्रमुख जायसवालले गरेको एकलौटी नगर सभाको बदर गर्न मांग गर्दै आन्दोलनमा होमिएका वड़ा नम्बर ३ का वड़ा सदस्य कृष्णनंदन साहनी , दीनानाथ ठाकुर , रामकली देवी , इन्दु देवी , वड़ा नम्बर ४ का सदस्य देवलाल चौधरी , राम एकवाल साह बनिया , रजिया देवी , वड़ा नम्बर ५ का प्रेमा देवी , वड़ा नम्बर ७ का सदस्य पूनम देवी राम , गोपाल साह , रामजी प्रसाद पटेल ,वड़ा नम्बर ८ का सदस्य बिलाश राम , पारस साह कानू , अफगाना खातून , रमतिया देवी , वड़ा नम्बर ९ का सदस्य मुक्ति नारायण चौधरी , विशुन दयाल यादव , देवतिया देवी राम , शांति देवी यादव र कार्यपालिका सदस्य संजीव साह रहेका छन । उपप्रमुख चौधरीले १० गतेमा अल्पमत सदस्यको आधारमा ल्याएको नगर सभालाइ अमान्य घोषित गरी सवै सदस्यको सहभागितामा पुनः नगर अधिबेशन नगर्ने बातावरण नभए सम्म आन्दोलन जारी रहने बताएका छन ।
नगर सभा गर्नु अघि उपप्रमुखको संयोजकत्वमाँ रहेका विषयगत समिति , राजश्व बाड़फाट, बजेट तर्जुमा , गर्नु पर्नेमा सो पनि गर्न नदिई एकलौटी रुपमा बलपूर्वक नगर सभा गरेको आरोप लगाए । उहाले भने नगर प्रमुख जायसवाल अनियमित रुपमा गरेको खर्च सार्वजानिक नगर्ने उदेश्यले यस्तो कार्य गरेको छ । ५० जनाको नगर सभा रहेको नगरपालिकामा नगर प्रमुख जायसवालले १५ जनाको उपस्थितिमा बलपूर्वक प्रहरी प्रशासनको बलमा गरेकोले बदर गरी सवैको सहभागितामा पुनः नगर सभा गर्नको लागि बहुमत सदस्यहरुले आन्दोलन गर्न लागेको हो ।
