देवेन्द्र प्र. यादव, १४ वैशाख । जनता सत्यनारायण माध्यमिक विद्यालय बसतपुरमा नियमित कार्यक्रम अन्तरगत शुक्रबारका दिन हाजरी जवाफ प्रतियोगिता भएको छ ।
सो विद्यालयमा भएका विद्यार्थीहरु मध्ये प्रत्येक कक्षाबाट सहभागीहरु छनौट गरिएको थियो । त्यस पछि सहभागीहरुलाई समूह बनाई प्रतियोगितामा सहभागी गराइएको थियो । सबै सहभागीहरु तथा दर्शक विद्यार्थीहरुले हर्सोउल्लासका साथ सहभागीता जनाएका थिए ।
हाजरी जवाफ प्रतियोगितामा विभिन्न खाले प्रश्नहरु अन्तरगत राजनैतिक, भौगोलिक, आर्थिक, सामाजिक , राष्ट्रिय तथा अन्तराष्ट्रिय स्तरको प्रश्नहरु सहभागीहरुबाट सोधिएको थियो । सहभागीहरुबाट नआएको खण्डमा उपस्थित स्रोतबाट प्रश्न सोधिएको थियो ।
हाजरी जवाफ प्रतियोगितामा प्रथम तफै सलोनी झाको समूह, दोस्रो तर्फ विशाल दासको समूह तथा तेस्रो तर्फ जुही झाको समूह स्थान हासिल गरेका थिए । विजेता समूहहरुलाई सो माध्यमिक विद्यालयका माध्यमिक शिक्षक शैलेन्द्र झा ले पुरस्कार प्रदान गरेका थिए भने सो कार्यक्रमका सहजीकरण शिक्षक राकेश झा, विनायक कुमार झा, प्रदिप चौधरी , निरजशरण यादव, कल्याणी मिश्र तथा गुडी झाले गरेका थिए ।
